НОВИ САД – Тогорочне штерацете число новинох „Руске слово” на бокох „Тижньовнїку” пише о еколоґийним проблему з беґельчиком КЦ3 у Руским Керестуре, а рубрика „Нашо места”, медзи иншим, информує о тим як означени Дзень старих.
На бокох „Економиї” представени Фестивал меду у Вербаше, а „Култура и просвита” звекшого информує о тогорочним Фестивалє рускей култури „Червена ружа”, як и о першим „Русин Филм Фесту” у Шидзе.
„Духовни живот” пише о актуалних проєктох Каритасу, на бокох рубрики „Людзе, роки, живот” представени Мелания и Михайло Варґово з Коцура, док „Мозаїк” преноши упечатки з програми „Акустика Рутеника”, нєдавно отриманєй у новосадским РКЦ.
На бокох „Спорту” у тим чишлє мож пречитац и о Руснацох у Олимпийним тиме Сербиї, а и у тим чишлє додаток „Руске слово у швеце”.