БЕОҐРАД – У Сербиї коло 70 одсто занятих нє ма обезпечене костиранє под час роботного часу, цо случай окреме у малих и штреднїх подприємствох, сообщела после виглєдованя аґенция „Ипсос”. Роботнїки оценєли же костиранє под час роботного часу предусловиє за здравє и квалитет роботи.
Векшина занятих є и под час роботного часу, а трецина ноши єдзенє з дому, з чим обезпечую квалитетнєйше костиранє и шпорую. Коло 80 одсто занятих би любели кед би им роботодаватель обезпечел квалитетне костиранє, чи у компанийских ресторанох, чи прейґ ваучерох у супермаркетох.
Позитивни ефекти хаснованя ваучерох за костиранє занятих представя звекшанє продуктивносци, куповней моци и звекшанє явних приходох, указую искуства у жемох Европскей униї хтори применюю таку файту обезпечованя костираня за роботнїкох.
Як сообщел „Ипсос”, Сербия би мала ускладзиц тоту праксу з европских державох и ришиц костиранє роботнїкох, а на прилагодзованю законсих рамикох би мали робиц социялни партнере, представителє роботодавательох, синдикатох и власц.