ШИД – Як вчера сообщел директор Дома здравя др Крсто Куреш, хвильково на подручу општини єст 120 активни сличаї вируса корона, а од початку пандемиї вкупно 1.095.
Потераз вакциновани вкупно 6.317 особи и то зоз першу дозу вакцини 4.018, а зоз другу дозу 2.299 особи.
Др Куреш, хтори и главни координатор здравствених службох за миґрантох, сообщел и же у трох прилапююцих центрох єст 1.244 миґранти и їх здравствени стан задоволююци.