НАШО МЕСТА – Шветочносц з нагоди Националного швета Руснацох у Сербиї у Суботици нєшка будзе на 12 г. у просторийох Дружтва Руснацох, а у Кули на 13 г., у просторийох РКУД „Др Гавриїл Костельник”.
На 18 годзин програми з нагоди швета буду у Руским Керестуре – у просторийох Дому култури и у Шидзе – у просторийох КПД „Дюра Киш”.
На 19,30 г. Националне швето Руснацох будзе означене у Новим Садзе – у просторийох Руского културного центру и у Новим Орахове – у просторийох КУД „Петро Кузмяк”.
На 20 годзин швето нєшка будзе означене и у Коцуре, у сали Месней заєднїци.
На ютре, 17. януара, Националне швето Руснацох будзе означене у Дюрдьове, на 12 годзин у просторийох КУД „Тарас Шевченко”.
На ютре на 14 г. швето першираз будзе означене и у Ґосподїнцох, у просторийох Месней заєднїци.
На нєдзелю, 18. януара, Националне швето Руснацох заєднїцки означа Руснаци у Бикичу и Сримскей Митровици – на 19 годзин у церковней сали грекокатолїцкей церкви у Сримскей Митровици.
Националне швето Руснаци у Беоґрадзе найвироятнєйше означа на пондзелок, на Богоявлєне по юлиянским календаре, после Служби Божей хтора на 17 годзин.
