Читачи карточкох обезпечени, нє шме буц врацаня зоз шалтерох

автор танюґ/сен
971 Опатрене

БЕОҐРАД – Републични фонд за здравствене осиґуранє (РФЗО) обезпечел коло 8 000 читачи електронских здравствених карточкох, та шицки осиґурани особи муша буц прияти до здравствених установох и достац одвитуюце допатранє, гварела о.д. директора РФЗО Верица Лазич.

– На електронских здравствених карточкох податки о пациєнтови, а установи маю алати з хторима преверя валидносц тей карточки. Роботнїк на шалтеру то може превериц и на веб-сервису, сайту, лєбо контактовац нашо оддзелєнє. Директоре здравствених установох маю орґанизовац роботу, же би їх роботнїки нє врацали пациєнтох котри маю нови карточки – гварела Лазичова.

Вона додала же термин за заменьованє старих з новима здравственима карточками 31. децембер. Окрем вимоги за нову карточку треба придац и стару важацу кнїжочку, особну леґитимацию и уплатнїцу на 400 динари.

Социялно загроженим катеґорийом, жертвом насилства у фамелиї, новонародзеним дзецом и дзецом з почежкосцами у розвою нова електронска карточка будзе безплатно виробена.

ПОВЯЗАНИ ТЕКСТИ