ҐОСПОДЇНЦИ – Означованє Националного швета Руснацох нєшка будзе и у Ґосподїнцох, у шветочней сали Месней заєднїци, з початком на 15 годзин.
У пригодней програми буду участвовац члени секцийох Културно-уметнїцкого дружтва „Тарас Шевченко” з Дюрдьова у котрей будзе пречитана кратка история Руснацох, о їх приселєню, значних подїйох и датумох.
Орґанизацию означованя Дня Руснацох у Ґосподїнцох помогла Подручна канцелария Националного совиту Руснацох зоз шедзиском у Дюрдьове.