Ютре на СПЕНС-у Саям обезпечованя роботи

автор зам
953 Опатрене

НОВИ САД – У новосадским СПЕНС-у на ютре, 17. новембра, од 10 до 15 годзин будзе отримани Саям обезпечованя роботи, хтори орґанизую Город Нови Сад и новосадска Филияла Националней служби за обезпечованє роботи (НСЗ).

Участвованє потвердзели прейґ 50 роботодавателє, котри понукню вецей як 1 200 шлєбодни роботни места у медицинским, комерциялним, тарґовецким, правним, електротехнїчним, машинским, транспортним, ґрафичним и текстилним фаху, сообщела НСЗ.

Як поведзене, найвецей можлївосци за роботу маю роботнїки у продукциї, предаваче, медицински шестри, физични роботнїки, вожаче, административни роботнїки и маґазионере, а нагоду за роботу достаню и информатичаре, фаховци за безбечносц, здравє на роботи и защиту од огня, совитнїки у осиґураню, комерциялисти, байбере, скравци, пекаре, месаре, маляре, автоелектричаре, автомаханїчаре, гиґиєничаре и други.

Роботодавателє понукню и роботни места за високообразовани особи з инвалидитетом.

Як поведзене з НСЗ, кандидати за роботу най зоз собу вежню вецей прикладнїки роботней биоґрафиї.

ПОВЯЗАНИ ТЕКСТИ