КУЛА – Здруженю МНРО Белава птица представителє Церковного одбору катедралней церкви св. Миколая з Руского Керестура у сотруднїцтве зоз Месну заєднїцу, 13. юлия уручели дарунок – уцицовач.
Дарунок директорови Здруженя Маркови Кошутичови придали члени ЦО Владимир Чизмар и Владимир Колесар.
Най здогаднєме, у рамикох тирвацей Гуманитарней акциї котру орґанизує керестурска Месна заєднїца, у тим мешацу помоц до шкатулох за дарованє котри ше находза у МЗ и велїх предавальньох будзе тиж наменєна Белавей птици за їх найурґентнєйши потреби. Белава птица ше стара о особох з окремнима потребами през рижни услуги зоз шицких местох кулскей општини.