РУСКИ КЕРЕСТУР – Прияви учашнїкох за концерт на „Емаус фест“ заинтересовани можу послац найпознєйше по 1. май, поволую орґанизаторе Екуменского фестивала духовней музики „Емаус фест“.
Фестивал будзе отримани у Марийовим святилїщу у Водици, 1. юния з початком на 16 годзин, кед почнє Екуменски форум на тему „Бо єден оцец ваш – тот на нєбе“ Мт. 23:10.
На фестивалу будзе орґанизована и вистава фотоґрафийох „Вєдно лєпше“ и концерт, котри почнє на 20 годзин.
После концерту ше млади ше буду дружиц коло лоґорского огня.
Информациї о „Емаус фесту“ мож провадзци на Фейсбук боку Emaus Fest Ruski Krstur и на инстаґрам профилу EMAUS_FEST_RUSKIKRSTUR.
Орґанизаторе Фестивалу Рух фоколару, Каритас, Пакт Рутенорум и Месна заєднїца Руски Керестур.