ВЕРБАС – По податкох зоз парохийних матрикулох грекокатолїцкей парохиї Покрова Пресвятей Богородици у Старим Вербаше за 2024. рок зазначена статистика по котрей покресцени штири особи, анї єдна пара нє повинчана, а поховани 16 особи.
У 2023. року у старовербаскей парохої покресцени були штири особи, повинчани пари нє було, а поховани були 9 особи.
По словох пароха старовербаского о. Алексия Гудака, парохия чишлї вецей як 900 вирних. Служби Божо и у прешлим року отримовани поряднє, а парохиянє вирно чуваю и пестую свой церковни и духовни живот.