БЕОҐРАД – Збирна лїстина з нагоди наиходзацих парламентарних виберанкох котри буду отримани 25. октобра, би мала буц обявена найпознєйше по 9. октобер. По доступних податкох, затераз єст преглашени 18 лїстини, з котрих аж седем у статусу меншинских, а внєдзелю, 4. октобра, на пол ноци вицекол и термин за придаванє лїстинох
Першобутно, под числом 12 преглашена лїстина зоз 9 кандидатами, „Чале тото за тебе – Петар Дюричич – премиєр Сербиї”, хтору придала Ґрупа гражданох Чале тото за тебе – Петар Дюричич – премиєр Сербиї. Потим тота лїстина була поцагнута зоз одлуку Републичней виберанковей комисиї, а подношителє достали инструкциї за дорабянє. Потим, лїстина ознова придата и преглашена тераз под шорним числом 15.
На гласацих лїсткох 12 будзе лїстина „Либерално желєна странка – за шлєбодну и чистейшу Сербию”, на котрей єст 45 кандидатох, а котру поднєсла Либерално желєна странка.
Тринасте место припадало меншинскей лїстини зоз 22 кандидатами за народних посланїкох „Виберам правду – виберам будучносц – коалиция Моц – проф. др Ферид Булич – Василиос Провелеґиос – Странка будучносци и розвою – Гражданска странка Грекох Сербиї”
Штернасте место на гласацких лїсткох достала тиж меншинска лїстина зоз 15 кандидатами „Странка руско-сербского єдинства – Руси и Серби браца занавше”, котру придала Странка руско-сербского єдинства.
Под числом 16 лїстина „Владимир Ґаїч – Алтернатива за Сербию – Народна странка, Бунт-Права Сербия – Бунт – Настоящая Сербия” зоз 50 кандидатами, котру придала Коалиция Владимир Ґаїч – Алтернатива за Сербию – Народна странка, Бунт-Права Сербия – Бунт – Настоящая Сербия.
Седемнаста лїстина на гласацких лїсткох будзе тиж меншинска, зоз предоженима 10 кандидатами за народних посланїкох, „Албанска коалиция” котру придала Коалиция: Албанска коалиция”.
Остатня преглашена лїстина „Мац Сербия – Груда” котру придала Политична странка Груда зоз 28 кандидатами за народних посланїкох будзе под шорним числом 18.