СЕРБИЯ – ЯП Драги Сербиї, вчера, 7. януара пополадню обвисцели же автодраги и шицки державни драги першей и другей катеґориї як и приходи ґу гранїчним преходом и ґу горским центром преходни за транспорт.
Розквашено шнїгу єст ту и там до 5 центи на подручу Нового Саду, Панчева, Зренянину, Колубари, Пожеґи, Суботици и Ужица.
Забранєни транспорт за камиони и шлепери на подручу Фрушкей гори (Ириґски гребень), Крушевцу, Нового Пазару, Валєва и Иванїци.
Шицка механїзация и екипи на терену порихтани реаґовац кед будзе требац и як сообшене зоз ЯП Драги Сербиї же єст досц солї, каменьча и ризли за посипованє по драгох.
Зоз ЯП Драги Сербиї апелую най ше нє руша на драгу без обовязней жимскей опреми, бо ше очекує же локално у Сербиї будзе падац диждж хтори ше будзе лядзиц при жеми, а очекує ше и же напада и шнїгу од 10 до 15 центи и вецей. Кед же ше муши исц на другу зоз подприємства спозорюю же треба буц осторижни, почитовац огранїгеня швидкосци и прилагодзиц воженє ґу условийом на драги.