НОВИ САД – Филозофски факултет у Новим Садзе, на соботу 16. марца од 10 до 13 годзин отвори дзвери матурантом, новим студентом.
Того дня, терашнї матуранти, а будуци студенти годни ше поинформовац о шицким цо их интересує коло условийох студираня на шицких студийних програмох яки єст на Филозофским факултету.
И Оддзелєнє за русинистику отвори свойо дзвери на соботу, 16. марца. Од 10 до 13 годзин годно ше информовац о шицких детальох у вязи зоз студираньом и условиями упису.
Представянє модула Руски язик и литература, як и Оддзелєня за русинистику, будзе отримане у кабинету 204 на другим поверху.