РУСКИ КЕРЕСТУР – Ґимназиялци зоз Штреднєй школи Петро Кузмяк, внєдзелю, 23. новембра одпутовали до Италиї до места Фрозиноне, а у рамикох Еразмус+ проєкту краткорочна мобилносци школярох за котри керестурска Ґимназия акредитована, як єдна з ридких у окруженю.
Штернац вибрани школяре з ґимназиї на руским и сербским наставним язику, буду през 10 днї нащивйовац годзини и участвовац у орґанизованих активносцох зоз парняками. Так унапредза свойо компетенциї котри директно нє предписани у школских програмох, а буду им сертификовани, а док ше враца пренєшу их своїм парняком.
У рамикох тей мобилносци керестурски ґимназиялци нащивя и главни город Италиї Рим, и з першей руки науча о його историї и култури.
Школярох на програму провадза наставнїци Валентина Русковски и Соня Чапко, а координаторка проєкту Лїляна Рудакиєвич.