ВЕРБАС – Потримовку студентом у блокади под паролу Застань Сербийо дали и числени гражданє Вербасу и вербаскей општини.
На 11:52 годзин ґрупа гражданох у центру Вербасу дала 15-минутову почесц настрадалим у нєщесцу на Желєзнїцкей станїци у Новим Садзе, тримаюци транспарент на котрим була нарисована червена длань.
Истого дня, на 18 годзин на Площи Николи Пашича ше позберало вельке число гражданох, котри рушели до мирного протестного шейтаня. Под паролу Най и Вербас достанє точкасти софтвер, и провадзацима слоґанами Запальце блици, загашце цмоту, Вербащенє и жителє других местох вербаскей општини зоз шейтаньом и запалєнима шветлами на телефонох потримали студентох у блокади.
Наявени ґенерални штрайк тиж потримали подаєдни поднїмателє у Вербаше.
