РУСКИ КЕРЕСТУР – Лєтна журка „Ruthenbassˮ будзе отримана на соботу, 3. авґуста, на керестурским базену, а орґанизаторе наявюю широки спектер стилох електронскей музики, од хаусу, драм енд бейсу, техна, по ростайл и хардкор.
Як наявюю орґанизаторе, Здруженє гражданох „Пакт Рутенорум” (Pakt Ruthenorum),
журку отвори DJ Mrle котри представи “Live recording – Dance Mania – Sunset set”, а попри познатих гитох будзе пущац и нову авторску музику.
Потим наступя – Hviwi зоз Tech-House ритмами, Drum & Bass сети зоз „Аcrоpоlisˮ екипу зоз Нового Саду, а за сам конєц „Insurgencyˮ колектив будзе пущац „Hard Dance”ˮ и техно музику.
Журка заказана за 18 годзин, а наменєна є любительом квалитетней електронскей музики, позитивней енерґиї и добрей атмосфери у приємним природним амбиєнту. Уход шлєбодни.