РУСКИ КЕРЕСТУР – На закончуюцей шветочносци „Днї информатики у школох Войводини” 17. децембра керестурска Основна и штредня школа зоз домом школярох „Петро Кузмяк” достала награду за сайт школи.
У мено Школи, награду превжала наставнїца информатики Наташа Орос, а провадзели ю директорка Школи Наталия Будински и наставнїца Рената Зорич.
„Днї информатики у школох Войводини“ того року орґанизовал Центер за розвой и применку науки, технолоґиї и информатики (ЦНТИ), а под покровитељством Покраїнского секретарията за образованє.