НОВИ САД – На Радио програми по руски нєшка на 12:30 годзин, будзе емисия Дом и фамелия.
У емисиї Дом и фамелия слова будзе о централней преслави нашого швета у Новим Орахове дзе бул порихтани богати етно-стол хтори порихтали Актив женох КУД Жатва зоз Коцура. О тим цо пририхтали, побешедовали зме зоз Коцану Колєсар и Марию Андїч.
У Руским Керестуре уж 30 роки роби пекарня у котрей ше прави и предава добре познати бурек зоз рижнима филами и присмачками. О тим ше побешедовало зоз Маю Медєши.
Тирва конкурс котри розписал ПИО фонд за безплатне пребуванє и регабилитацию пензионерох у баньох у Сербиї и тирва до 26. януара, та у емисиї будзе о условийох конкурсу. У емисиї ше учує и правни совити од адвокатки Мариї Йоксович.
Емисию Дом и фамелия мож послухац кажду стреду на 12:30 годзин на на УКТ габох радия РТВ на 92, 100 и 107,1 мгг. Реприза емисиї на соботу на 7 годзин, а мож ю послухац и на одложеним слуханю на сайту Радио-телевизиї Войводини. Редакторки емисиї Наталия Дудаш и Саня Маркович.