НОВИ САД – На Радио програми по руски нєшка на 12:30 годзин, будзе емисия Дом и фамелия, а на 21:30 годзин Емисия за младих.
У емисиї Дом и фамелия будзе ше бешедовац о безпечносци на драгох и о тим же чи потенциялни вожаче кед покладаю вожаци испит наисце порихтани за воженє. О тим ше побешедовало зоз инструкторку и преподавачку зоз авто-школи Андреу Югик. Госцинска будзе и Ясмина Дюранїн, котра свою креативносц виражує през писанє. Емисию Женоблоґия мож слухац тиж на радио програми, а як емисия настала, учує ше праве од авторки. Побешедовалине и зоз Марию Малацко, хтора роби у розсаднїку, о тим як треба чувац живи ядловец кед ше го купши зоз кореньом за крачунски и новорочни швета и як го после шветох треба посадзиц.
Емисию Дом и фамелия мож послухац кажду стреду на 12:30 годзин на на УКТ габох радия РТВ на 92, 100 и 107,1 мгг. Реприза емисиї на соботу, на 7 годзин, а мож ю послухац и на одложеним слуханю на сайту Радио-телевизиї Войводини. Редакторки емисиї Наталия Дудаш и Саня Маркович.
У Емисиї за младих, нєшка на 21:30 годзин, годно послухац о збуваньох у Руским културним центре – новосадскей Матки, котри ше пририхтує у наиходзацим периодзе.
Емисия за младих ше емитує премиєрно каждей стреди на УКТ габох радия РТВ на 92, 100 и 107,1 мгг, на 21:30 годзин и репризно штварток на 12:30 годзин, а мож ю послухац и на одложеним слуханю на сайту РТВ. Редакторки и водительки емисиї Ванеса Медєши и Мирела Тимко.
