РУСКИ КЕРЕСТУР – Основна и штредня школа зоз Домом школярох Петро Кузмяк, у Руским Керестуре орґанизує Камп ученя и друженя за школярох осмих класох.
Пре вельку заинтересованосц и вельке число приявених школярох за перши Камп ученя и друженя за школярох осмих класох 20. и 21. фебруара, орґанизаторе обявели же камп будзе орґанизовани ище у єдним термину 6. и 7. марца, а прияви тирваю по 26. фебруар.
Плановане же под час дводньового кампу, школяре буду годни на интересантни, креативни и практични способ упознац образовни програми, и штредньошколски живот.
Роботнї у кампу буду водзиц искусни наставнїци и педаґоґи школи, а шицки активносци, пребуванє и костиранє задармо.
Приявиц ше можу шицки заинтересовани школяре осмих класох, формулар доступни на тим ЛИНКУ.
Вецей информациї мож достац на числох – 025/703-040 и 025/703-041, як и прейґ Вибер заєднїци школи.