Обявена ище єдна приповедка на нашим Ют’юб каналу

автор М. Зазуляк Гарди
445 Опатрене

НОВИ САД – Зоз каждим числом часопису за дзеци „Заградка” на нашим Ют’юб каналу Ruske slovo za dzeci обявюєме и даєдни змисти зоз нєй, та так тих дньох обявена приповедка Оксани Мудри Недич „Одквачени ваґон” зоз єй новей кнїжки „Божа катичка”.

Приповедку пречитал школяр штвартей класи Дарко Еделински з Руского Керестура, а авторки илустрацийох Александра Русковски и Мария Ковачевич.

На нашим Ют’юб каналу нєдавно обявена и музична анимация сликовнїци „Кухня”, а там мож найсц и анимациї сликовнїцох „Як ше тройо прашатка рихтали за жиму”, „Фарби”, „Родзини”, „Карусел”, як и други змисти за дзеци по руски, а же бисце провадзели новосци на нашим каналу, потребне кликнуц на Subscribe.

Нєодлуга видзе и перше число „Заградки” у тим року, а хто ше сце предплациц на тот часопис за дзеци, треба же би послал мено, презвиско и адресу на мейл zahradkacasopis@gmail.com, лєбо ше явиц до поруки на дружтвених мрежох Zahradka Casopis. Рочна предплата 1 000 динари.

ПОВЯЗАНИ ТЕКСТИ