КОЦУР – Школяре перших класох мали роботню на тему „Безпечносц у транспорту” котру за нїх пририхтали службенїки Полицийскей управи зоз Вербасу.
Викладанє орґанизоване у рамикох проєкту „Вєдно и безбрижно през дзецинство”, на едукативни и прилагодзени способ ґу возросту, дзеци учели на прикладох зоз живота. Дзецом потолковани яки опасносци их можу знайсц у транспорту, и як треба же би ше справовали же би були сиґурни и безпечни.
Школяре ше могли випитовац шицко цо их интересовало, та наисце активно участвовали и черали искуства.
