ДЮРДЬОВ – У голу Основней школи „Йован Йованович Змай”, вчера 24. новембра, зоз пригодну програму преславени Дзень школи.
У програми участвовали школяре нїзших класох котри танцовали, виведли драмску сличку, шпивали и рецитовали на сербским и руским язику, а на стихи Йована Йовановича Змая.
Директорка школи Любица Клепич привитала присутних, школяром и занятим повинчовала Дзень школи, а Меланиї Миханяк, наставнїци сербского язика винчовала одход до пензиї.
Школярох котри рецитовали и шпивали на руским язику пририхтали учителька Єлена Кухар и наставнїца музичней култури Татияна Барна.