ВЕРБАС – На Площи Николи Пашича у Вербаше пияток, 14. фебруара, на 18 годзин позберало ше вельке число гражданох на трецим сходу котри зволал Глас студентох Вербас як потримовку студентом у блокади.
Того тижня главна парола була „Пукла ґума, алє ми оставаме на драги за пременки”, а провадзаци слоґани „Гайде любме ше” и „Пумпуй”.
Мирне протестне шейтанє рушело зоз главней городскей площи, през Маршала Тита по Ґустава Крклеца, потим през тоту улїчку по улїчку Народного Фронту, и од тей улїчки по Иве Лоле Рибара, дзе ознова протестна колона скруцела до Маршала Тита. Вербащанох анї диждж нє зопар у даваню потримовки студентом.
Протестне шейтанє було провадзене зоз державнима заставами, численима транспарентами, запалєнима шветлами на телефонох.
Протестне шейтанє прешло мирно.
