НАШО МЕСТА – З пригоднима програмами Националне швето Руснацох у Републики Сербиї будзе означене по подручних канцеларийох Националного совиту Руснацох. Централна шветочносц означованя Националного швета того року будзе отримана у Сримскей Митровици на соботу, 18. януара.
По информацийох яки сцигли зоз служби нашого Националного совиту, нєшка, 17. януара швето ше означи:
на 12 годзин у Дюрдьове у просторийох КУД „Тарас Шевченко”,
на 13 годзин швето преславя Руснаци у Кули у просторийох РКУД „Гаврил Костелник”,
на 14 годзин у Ґосподїнцох програма почнє у просторийох церковного дому грекокатолїцкей Церкви святого архангела Михаїла,
на 16 годзин у Новим Орахове на фамелийней хижи Папуґових будзе одкрита спомин-плоча Сенки Бенчик, а на 17 годзин будзе пригодна програма у просторийох КУД „Петро Кузмяк”,
на 18 годзин у Суботици програма будзе отримана у Дружтве Руснацох Суботици.
на 18 годзин у Руским Керестуре преслава почнє у Доме култури,
на 18 годзин швето означа Шидянє у КПД „Дюра Киш”,
на 19 годзин у Руским културним центре у Новим Садзе.
Националне швето Руснацох уж означене у Вербаше 10. януара у просторийох КПД „Карпати”, 15. януара у Бачинцох у Доме култури, а штварток 16. януара у Подручней канцелариї НСР у Коцуре и у Бикичу у Дружтве „Иван Котляревски”.