ВЕРБАС – Пионире Фодбалского клубу „Русин”, всоботу 13. януара участвовали на турниру у Вербаше дзе одбавели по два змаганя процив домашнєй екипи „ЦФК” и госцуюцей екипи „Ґрачаница” зоз Косова и Метохиї.
На турниру участвовали дзеци народзени 2010, 2012. и 2014. року, а у екипи младших пионирох резултат бул шлїдуюци – Ґрачаница однєсла побиду над ЦФК з резултатом 3:0, потим Русин надвладал Ґрачаницу зоз 1:0, дзе ґол за Русин дал Давид Гарди, и у трецим стретнуцу Русиново пионире одбавели нєришено зоз ЦФК 1:1, а ґол ознова дал Гарди.
Таблїчка на концу випатрала так – Русин мал 4 боди, Грачаница 3, док домашнї Вербас мал 1 бок.
Шлїдуюци наступели дзеци возросту 5. класи, та старши пионире одбавели з шлїдуюцим резултатом – Русин страцел од Ґрачаници зоз 3:0, потим Вербас надвладал Ґрачаницу зоз 3:1, а на концу Русин поражени и од ЦФК зоз 6:0.
ЦФК и Ґрачаница мала по 4 боди, док Русин остал без бодох.
Фодбалерох на стретнуце водзел їх тренер Зденко Шомодї, а того викенду младих бавячох чека нове стретнуце у домашнєй Спортскей гали процив екипи з Оджаку.
