РУСКИ КЕРЕСТУР – Прешлого тижня заняти спред Основней и штреднєй школи з домом школярох Петро Кузмяк у Руским Керестуре, порушали сотруднїцтво зоз Школу Aнтун Матияшевич Караманео на Вису, у Републики Горватскей.
У нащиви реализована тродньова активносц Провадзеня на роботи у рамику Еразмус + акредитациї за обще образованє.
Наставнїци – Ґордана Банатски, Лїляна Рудакиєвич и директорка школи Наталия Будински, нащивели штредню школу Aнтун Матияшевич Караманео на Вису у Републики Горватскей дзе им, медзи иншим, представена робота тей школи, домашнї и медзинародни проєкти, як и можлївосц прилапйованя учашнїкох до Еразмус+ програми.
У нащиви запровадзене сотруднїцтво медзи двома школами котри понукаю исти напрями – напрям Ґимназиї и Туристични технїчар.
