БЕОҐРАД – У Скупштини Сербиї вчера предлужена розправа у подробносцох о законских предкладаньох зоз дньового шора, а нєшка на 10 годзин посланїки предлужа розправу о амандманох о предложених законох.
Скупштина, вчера 5. марца закончела зоз роботу на 18:20 годзин.
На вчерайшей схадзки найвецей ше дискутовало о вименкох и дополнєньох закона о високим образованю, зоз хторим би ше сполнєло єдна од штирох вимогох студентох у блокади, алє и стредньошколского и основношколского образованя.
У скупштинскей сали присутни були нєшка лєм даскельо посланїки опозициї, а векшина на конференциї за новинарох гварели же нє буду участвовац у роботи на схадзки и же ше нє враца до скупштинскей сали после претресу парламента и їх канцеларийох.