НОВИ САД – Єденаста медзинародна наукова конференция Интеркултуралносц у образованю – ИнтерКулт 2025 нєшка будзе отримана у Мадярским културним центру „Петефи Шандор” (Улїца Йожеф Атили 16-18).
На отвераню конференциї буду присутни директор Педаґоґийного заводу Войводини Янош Пушкаш, представнїки амбасадох Румуниї, Словацкей, Горватскей, Мадярскей, представнїки Универзитета у Новим Садзе, Покраїнского секретарияту за образованє, предписаня, управу и национални меншини-национални заеднїци и представителє националних совитох у АП Войводини.
Пленарне викладанє Историоґрафска анализа розвою рускей заєднїци и єй специфичносцох на мапи мултикултуралносци Войводини отрима др Дюра Гарди.
Зоз наукову роботу на конференциї буду участвовац и доц. др Ана Римар Симунович, и мср Александра Деянович зоз Оддзелєня за русинистику Филозофского факултета у Новим Садзе.
Конференцию орґанизує Педаґоґийни завод Войводини у сотруднїцтве зоз оддзелєнями за гунґарологию, румунистику, русинистику и словакистику Филозофского факултета Универзитета у Новим Садзе и Учительским факултетом на мадярским наставним язику у Суботици.
Конференция почнє на 10 годзин.