ВЕРБАС – За викенд 15. и 16. фебруара и на пондзелок 17. фебруара з нагоди швета Дня державносци Сербиї, скоро шицки екипи дїловних єдинкох ЯКП „Комуналєц“ буду робиц, сообщене зоз того подприємства.
Вельки пияц у Вербаше ютре будзе поряднє отримани, а робиц будзе и комунална хиґиєна городу.
На пондзелок комунални одпад ше будзе одношиц з часци Вербаса и зоз Савиного Села, по розпорядку.
Екипи „Водоводу и канализациї“ буду интервеновац у гитних случайох.
Шалтер сала у управним будинку ЯКП нє будзе робиц.
Услуга паркираня превозкох ше нє будзе наплацовац од соботи 15. фебруара и на пондзелок 17. фебруара, а кед дахто пошлє СМС порученє Паркинґ сервису достанє обвисценє же ше паркиранє нє наплацує.
За нєплановани ситуациї, доступни числа телефона:
„Капела“ – 021/ 792 253, 064 847 4359
ПЄ „Чистота“ – 021/ 706 083
ПЄ „Водовод и канализация“ – 021/ 706 085.